📈 ភាគហ៊ុន AI និងបច្ចេកវិទ្យាអឺរ៉ុបកើនឡើងខ្លាំង ទោះស្ថិតក្រោមសម្ពាធសង្គ្រាម និងវិបត្តិសេដ្ឋកិច្ច។

🚨 Breaking News៖ ទោះបីទីផ្សារភាគហ៊ុនអឺរ៉ុបកំពុងរងសម្ពាធពីវិបត្តិសង្គ្រាមអ៊ីរ៉ង់ និងការកើនឡើងតម្លៃថាមពលក៏ដោយ ប៉ុន្តែភាគហ៊ុនបច្ចេកវិទ្យា និង AI (Artificial Intelligence / បញ្ញាសិប្បនិម្មិត) នៅអឺរ៉ុបកំពុងកើនឡើងយ៉ាងខ្លាំង។

របាយការណ៍ពី TS Lombard (ក្រុមហ៊ុនស្រាវជ្រាវសេដ្ឋកិច្ច) បង្ហាញថា ភាគហ៊ុនដែលពាក់ព័ន្ធនឹង AI បានរួមចំណែកជាងពីរភាគបីនៃការកើនឡើងទីផ្សារភាគហ៊ុនអឺរ៉ុបក្នុងរយៈពេលជាងមួយខែកន្លងមក។ ក្រុមហ៊ុនផលិតបន្ទះឈីបដូចជា ASML, Infineon និង STMicroelectronics បានកើនឡើងប្រហែល 20% ចាប់តាំងពីដើមខែមេសា។

ក្រុមហ៊ុនដែលពាក់ព័ន្ធនឹងហេដ្ឋារចនាសម្ព័ន្ធ AI ដូចជា Schneider Electric និង Prysmian ក៏បានកើនឡើងជាង 22% ផងដែរ ខណៈអ្នកវិនិយោគកំពុងផ្តោតលើការរីកចម្រើនរបស់វិស័យ AI និងមជ្ឈមណ្ឌលទិន្នន័យនៅអឺរ៉ុប។

អ្នកវិភាគបានបញ្ជាក់ថា ទោះបីស្ថានភាពសេដ្ឋកិច្ចអឺរ៉ុបកំពុងជួបបញ្ហាក៏ដោយ ប៉ុន្តែភាគហ៊ុនបច្ចេកវិទ្យា AI នៅតែបន្តទាក់ទាញការវិនិយោគ និងអាចមានកំណើនបន្ថែមនៅពេលខាងមុខ។