អតីតខ្សែការពារ Chelsea លោក William Gallas ចោទសួរអំពីការលើកតម្កើង Cole Palmer ថាជា ‘កីឡាករល្អបំផុតក្នុងពិភពលោក’
អត្ថបទសរសេរដោយ Danny • 4 views
អតីតខ្សែការពារ Chelsea លោក William Gallas បានចេញមកសួរអំពីការលើកតម្កើងខ្លាំងពេកទៅលើ Cole Palmer បន្ទាប់ពីរដូវកាលដំបូងដ៏អស្ចារ្យរបស់គេនៅ Stamford Bridge។ លោកជឿថា មនុស្សជាច្រើនបានបង្កើត “ការផ្ទុះការគាំទ្រ” លឿនពេក ហើយ Chelsea នៅតែមានបញ្ហាធំៗ ជាពិសេសនៅតំបន់ការពារ។
Palmer បានក្លាយជាកីឡាករសំខាន់របស់ Chelsea បន្ទាប់ពីផ្ទេរមកពី Manchester City ដោយគេរកបាន ២៥ គ្រាប់ក្នុងរដូវកាលដំបូង និងឈ្នះពាន PFA Young Player of the Year។ ប៉ុន្តែ Gallas គិតថា ការលើកសរសើរទៅលើកីឡាករវ័យ ២៤ ឆ្នាំរូបនេះ បានហួសព្រំដែនពេក។
លោកបាននិយាយថា៖
“គ្រប់គ្នានៅអង់គ្លេសបានចូលរួមបង្កើត ការផ្ទុះការគាំទ្រ ក្រោយគេលេងល្អតែ១រដូវកាល ហើយនិយាយថាគេជាកីឡាករល្អបំផុតក្នុងពិភពលោក។”
Gallas ក៏បានរិះគន់ទម្រង់លេងរបស់ Chelsea ទាំងមូលផងដែរ ដោយនិយាយថាក្រុមបាត់បង់ស្ថេរភាពនៅតំបន់ការពារ និងខ្សែប្រយុទ្ធក៏មិនអាចរកគ្រាប់បាល់បានគ្រប់គ្រាន់ដែរ។ លោកបានបន្ថែមថា “ខ្សែការពារ Chelsea របូតគ្រាប់បាល់ច្រើនពេក ហើយខ្សែប្រយុទ្ធក៏រកគ្រាប់បាល់មិនបានច្រើនដែរ” ។
អតីតកីឡាករជម្រើសជាតិ បារាំង រូបនេះក៏បានផ្ដល់យោបល់ឲ្យ Chelsea ព្យាយាមចុះកុងត្រាយក John Stones ជំនួស Marcos Senesi ផងដែរ។
លោកជឿថា Stones មានបទពិសោធន៍លេងនៅក្លឹបធំ និងដឹងពីសម្ពាធនៃការប្រកួតប្រជែងពានរង្វាន់ ខណៈ Senesi មិនទាន់ធ្លាប់ជួបសម្ពាធកម្រិតនោះនៅឡើយ។លោកបាននិយាយថា “Chelsea គួរតែព្យាយាមយក John Stones។ គេអាចរៀបចំតំបន់ការពារបានល្អ និងដឹងច្បាស់ពីអារម្មណ៍នៃការឈ្នះពាន” ។
