Donald Trump និយាយថា គាត់មិនចង់ចំណាយថ្លៃសំបុត្រថ្លៃខ្លាំងដើម្បីមើលការប្រកួតបើកឆាក World Cup របស់ USMNT
អត្ថបទសរសេរដោយ Danny • 5 views
Donald Trump បានសារភាពថា គាត់មិនចង់ចំណាយប្រាក់ច្រើនសម្រាប់សំបុត្រប្រកួត World Cup បន្ទាប់ពីបានដឹងថា តម្លៃសំបុត្រសម្រាប់ការប្រកួតបើកឆាករបស់ USMNT ទល់នឹង Paraguay មានតម្លៃលើស $1,000។
ក្នុងបទសម្ភាសន៍ជាមួយ New York Post, ប្រធានាធិបតីសហរដ្ឋអាមេរិករូបនេះបាននិយាយថា៖ “ខ្ញុំចង់ទៅមើល ប៉ុន្តែបើនិយាយត្រង់ ខ្ញុំក៏មិនចង់ចំណាយថ្លៃបែបនេះដែរ” បន្ទាប់ពីបានដឹងថាសំបុត្រចាប់ផ្តើមពីប្រហែល $1,000 សម្រាប់ការប្រកួតរបស់ USMNT។
តាមរបាយការណ៍ សំបុត្រប្រភេទថោកបំផុតសម្រាប់ការប្រកួតនេះ ក៏មានតម្លៃលើស $1,000 ផងដែរ ទោះបីតម្លៃនៅទីផ្សារលក់បន្តបានធ្លាក់ចុះខ្លះក៏ដោយ។
Trump ក៏បានបង្ហាញការព្រួយបារម្ភអំពីការចូលរួមរបស់អ្នកគាំទ្រទូទៅ ដោយនិយាយថា គាត់នឹងខកចិត្ត ប្រសិនបើប្រជាជនធម្មតាមិនអាចទិញសំបុត្រទៅមើលការប្រកួតបាន។
គាត់បាននិយាយថា៖ “ខ្ញុំចង់ឱ្យមនុស្សដែលគាំទ្រខ្ញុំអាចទៅមើលបាន។ ខ្ញុំដឹងថាព្រឹត្តិការណ៍នេះជោគជ័យខ្លាំង និងបំបែកកំណត់ត្រាជាច្រើន”។
ការលើកឡើងរបស់ Trump កើតឡើងបន្ទាប់ពីប្រធាន FIFA លោក Gianni Infantino បានការពារតម្លៃសំបុត្រ ដោយអះអាងថា 25% នៃសំបុត្រវគ្គចែកពូល មានតម្លៃក្រោម $300។
Infantino ក៏បានបន្ថែមថា តម្លៃសំបុត្រកីឡានៅសហរដ្ឋអាមេរិក ជាទូទៅមានតម្លៃខ្ពស់ស្រាប់ ហើយ World Cup គឺជាព្រឹត្តិការណ៍កីឡាធំបំផុតមួយក្នុងពិភពលោក។
